CAGAYAN DE ORO CITY- Gihugtan pa sa kapolisan ug militar ang seguridad samtang nagkaduol ang ikaduha nga state of the nation address o SONA ni Pres Rodrigo Duterte dinhi sa Northern Mindanao.
Kini gawas sa daan nang bahad sa grupong Maute-ISIS nga mohimo’g pagpamomba sa bisan asa nga bahin sa rehiyon.
Gihimo ni PNP regional spokesperson Supt Lemuel Gonda ang pahayag tungod usab sa pag-atake sa rebeldeng New People’s Army o NPA sa mga miyembro sa Presidential Security Group o PSG ni Duterte sa Cotabato-Davao-Bukidnon road kagahapong adlawa.
Samtang giawhag sa mga grupo sa peace advocates si Pres Rodrigo Duterte nga i-konsiderar ang pagbawi sa pagpasibog sa gobierno nga makig-estorya sa National Democratic Front of the Philippines o NDFP.
Kini bisan giatake sa NPA rebels ang mga personahe sa PSG ni Pres Duterte sa Cotabato-Davao-Bukidnon road.
Miingon si GRP-CPP-NPA peacetalks independent observer IFI Bishop Felixberto Calang nga kini ang haom nga panahon aron ipatubag ang pikas grupo kon nganong padayon ang ilang pagpanghasi sa gobierno.
Gipasibog ni Duterte ang GRP-NDFP back channelling talks nga sugdan unta ugmang adlawa tungod sa ulahi nga pag-atake sa mga rebelde sa gobierno kagahapon.
