Magtagbo karong adlawa ang kadagkuan sa kapolisan,militar ug bisan ang tropa sa Philippine Coast Guard Northern Mindanao ning syudad.
Miingon si Police Regional Office 10 spokesperson Major Joann Navarro nga nag-unang katuyuan niini nga masugdan na’g tuki ug han-ay ang seguridad nga ipatuman alayon sa 2025 elections sa rehiyon.
Gibutyag ni Navarro nga kon unsa man ang makab-ot nga impormasyon ug kasabutan sa unang regional joint peace and security coordinating council meeting,gamiton nila kini sa ipatawag usab nga panagtigom sa Commission on Elections sa mga mosunod nga adlaw.
Hisayrang mitala sa malinawon nga kahimtang ang walo ka adlaw nga pagduso sa mga sirtipiko de kandidatura ang mga kandidato sa nagkadaiyang buhatan sa Comelec sa rehiyon.
