CAGAYAN DE ORO CITY – Magtagbo na’g balik ang naglangkob sa Regional Joint Security Control Center (RJSCC) sa syudad sunod semana.
Kini alayon sa mas gipakusog pa nga pagpahugot sa seguridad nga ipatuman sa mga kalihukan may kalabutan sa May 12 elections ning tuiga.
Gibutyag ni Comelec 10 regional director Atty.Renato Magbutay nga kabahin sa mga aktibong sakop sa RJSCC ang kapolisan,militar ug mga personahe sa Philippine Coast Guard.
Siya miingon nga mohaom kini nga katiguman sa pag-epekto na sa ipatuman nga election gun ban sugod Enero 6.
Hisayrang anaa na usab sa full swing ang roadshows sa election officers sa paghatag orientation sa mga botante kada-brgy gamit ang automated counted machines nga maoy gamiton sa piliay sunod tuig.
