CAGAYAN DE ORO CITY-Tukion karong adlawa sa kadagkuan sa PNP-10 atol sa ilang command conference nga nahisgutan sa panagtagbo sa AFP-PNP Mindanaowide Joint Peace and Security Council Coordinating Committee diha sa Brgy Lapasan ning syudad.
Kini human gipatawag ni PNP chief Dir Gen Ronald de la Rosa ang tanang police regional directors sa Mindanao kuyog ang kasundaluhan aron matuki ang pagpatuman sa martial law.
Gibutyag ni PNP regional spokesperson Supt Lemuel Gonda nga giapil usab paghisgot ang patakaran sa pagsikop sa mga wanted person nga anaa sa listahan sa mga terorista.
Hisayrang panguluhan ni PNP regional director C/Supt Agripino Javier ang pagtuki sa ilang nahisgutan kuyog ni De la Rosa diha sa Camp Alagar ning adlawa.
