Nagpadayag sa ilang kaandam ang Philippine National Police (PNP) nga motabang sa posibleng extradition o pagbalhin ni Kingdom of Jesus Christ (KOJC) leader Pastor Apollo Quiboloy ngadto sa Estados Unidos.
Matud ni Philippine National Police (PNP) Public Information Officer Chief PBGen. Allen Rae Co, ilang buhaton ang ilang katungdanan kon ugaling adunay kamandoan nga gikan sa korte nga motabang nga mabalhin ug masigurong luwas ang pag-adto ni Quiboloy sa airport.
Mahinumdoman nga nag-isyu na ang Makati Regional Trial Court og extradition arrest warrant ug hold departure alang kang Quiboloy ug sa duha pa niining kaubang akusado.
Kini dunay kalabotan sa reklamo nga International human trafficking, sex trafficking, conspiracy, ug bulk cash smuggling.
Sa laing bahin, una nang gipadayag sa National Bureau of Investigation (NBI) nga andam usab silang motabang kon ugaling hingpit nga mabalhin sa US si Quiboloy. (raniel mahunyag)









