CAGAYAN DE ORO CITY – Nagkanipis ang anggulo nga hayan gilugos una ayha gidunggab-patay ang 19 anyos nga kolehiyala kinsa aktibong altar server sa Santa Ana Parish diha sa Tagoloan,Misamis Oriental.
Kini subay sa dugang pag-imbestigar nila ni Tagoloan Police Station commander Major Renz Marion Serrano sa nahitabo sa biktima nga si Lady Grace Galo sa miaging semana.
Miingon si Serrano nga bisan pa niini nga obserbasyon apan nagsubmitar gihapon sila sa specimen ngadto sa forensic experts aron pagsiguro sa resulta sa imbestigasyon.
Una nang gitoohang gisulaya’g lugos ang biktima sa wala ilhi pa ng mga suspek ayha kini gidunggab-patay.
Nasuta usab nga posibleng kaugalingong kutsilyo sulod sa balay sa biktima ang gigamit sa mga suspek pagpatay niini ayha misibat sa wala matumbok nga direksyon.
Hisayrang mismo sila si Cagayan de Oro Archdiocese Archbishop Jose Cabantan ug Tagoloan Mayor Atty Nadya Emano-Elipe ang nakaduaw usab sa simpleng haya sa biktima sa miaging semana.
