CAGAYAN DE ORO CITY – Gidakop sa PNP-CIDG pinasikad sa duha ka warrant of arrest si Bangsamoro Autonomous Region in Muslim Mindanao Police Regional Director Brig Gen John Guyguyon mismo sa iyang buhatan sa Camp General Salipada Pendatun,Parang,Maguidanao.
Mismo sila si NCR RTC Branch 104 Presiding Judge Catherine Pespes Manodon ug NCR RTC Branch 10 Presiding Judge Kathleen Rosario Espinosa ang naglugwa sa warrant of arrest tungod sa duha ka counts sa kasong syndicated estafa batok sa maong heneral.
Walay gi-rekomendar nga piyansa ang maong mga kaso alang sa temporaryong kagawasan sa akusado.Samtang pagpasabot usab ni Guyguyon nga nadamay lamang kini sa ubang incorporators.
Namugos ang heneral nga wala siya’y nakuha nga benepisyo sukwahi sa giakusar kaniya sa mga nanumbong.
