CAGAYAN DE ORO CITY – Gipasalig ni Philippine National Police (PNP) chief Police General Oscar Albayalde nga dili makaapekto sa preprasyon sa umalabot midterm elections ang paghulip sa liderato sa Police Regional Office (PRO)-10.
Kini ang giluwatang pahayag sa PNP chief sa gihimong turn over of command tali nila ni outgoing Police Regional Office -10 regional director Police Brig Gen Timoteo Pacleb Jr. ug incoming PRO-10 regional director Police Brig Gen Rafael Santiago Jr.
Si Albayalde miingon nga intact na ang security measure sa PNP alang sa May 13 midterm elections hinungdan nga dili maapektuhan ang change of command sa rehiyon.
Gipasalamatan usab sa PNP chief si Pacleb tungod kay gi-seguro niini nga preparado na ang seguridad sa piliay sa rehiyon sa wala pa siya miluwat sa pwestug atubangon ang iyang bag-ong responsibilidad sa Kampo Crame.
Hisayran nga gilibot ni Albayalde ang tibook nasud ilabina sa Mindanao aron maseguro ang malinawon, limpyo ug katoohan nga resulta sa piliay.
