CAGAYAN DE ORO CITY-Gitambagan ni PNP Chief Dir. Gen. Ronald de la Rosa si Mayor Jed Patrick Mabilog nga ipakita ang iyang kaikag sa pagsanta sa naghitak nga illegal drug activities sa Iloilo City.
Kini sa higayong hingpit nang makalingkod si Ozamiz City Police Station commander C/Insp. Jovie Espenido isip bag-ong hepe sa sa Iloilo City.
Gibutyag Matud ni De la Rosa nga dili mabutang sa peligro ang kinabuhi ni Mabilog kon ihunong niini ang pagprotiher sa drug lords ug motabang sa ‘war on drugs’ sa Duterte administration.
Samtang nagtoo si Mabilog nga si Espenido ang makatabang kaniya aron malimpyohan ang iyang pangalan nga gilambigit sa ginadiling druga.
Ang pahayag gihimo ni Mabilog dungan sa subling pagpanghimakak niini nga siya protektor sa drug lords sa ilang syudad.
Miingon si Mabilog nga dili siya magpanuko sa pagtabang kang Espenido sa pagsanta sa naghitak nga illegal drug activities sa Iloilo City.
Samtang gitambagan ni Espenido si Mabilog nga mokalma lamang kay hapit na silang magtagbo.
