Gipasalig ni Philippine National Police (PNP) Chief General Jose Melencio Nartatez Jr. nga nakaandam na sila sa paghatag og seguridad sa ipahigayong 49th ASEAN Summit dinhi sa nasud.
Matud ni Nartatez, ang kapulisan isip miyembro sa Committee on Peace and Order, and Emergency Preparedness Response (CSOPR) kay komitado nga himuong luwas, malinawon, ug hapsay ang maong aktibidad.
Dugang pa sa hepe, hapit mag-usa ka tuig ang pagpangandam nila niini, diin gikan sa 639 nga giplanong aktibidad kay 2/3 na ang nahuman nahuman ug 159 na lamang nahibilin.
Gibutyag usab sa hepe nga ipahigayon ang main event sa ikatulong semana sa Nobyembre nga pagasalmotan sa 23 ka mga lider sa kalibutan, liboan nila ka mga staff members, ug mga tigpaniid.
Dugtong niini, gidayeg usab ni Nartatez ang pwersa sa seguridad nga maoy naningkamot aron mahimong luwas ang maong aktibidad gikan sa sinugdanan nga mga cluster sa kalihokan didto sa Bohol ug Cebu hangtud sa main event nga ipahigayon pa lang karong ikatulong semana sa Nobyembre. (raniel mahunyag)
