CAGAYAN DE ORO CITY-Magbaton sa kaugalingong police chopper ug armoured personnel carriers o APC ingon man tag-as nga kalibre sa armas ang Iligan City ning tuiga.
Kini aron magamit sa kapolisan sa pagsanta batok sa bahad sa terorismo ug kreminalidad sa maong syudad.
Gibutyag ni Iligan City Information Officer Joe Pantoja nga maoy gigamit gigamit ni City Mayor Celso Regencia pagpalit sa APC ug high powered firearms ang iyang P70 milyon nga intelligence funds.
Si Pantoja miingon nga may pag-uyon na usab ang Department of National Defense o DND sa pagbaton sa Iligan City Police Office sa bag-ong police chopper nga moabot sunod tuig.
