Gibatikos ni PNP-CIDG chief Gen Nicholas Torre III si kanhi Pres Rodrigo Duterte.
Kini dungann sa gihimong pagpangugat ni Torre nga wala siya sugua sa Malakanyang aron sang-atan sa mga kasong criminal si Duterte kay gibaharan pamatyon ang mga kandidato pagka-senador sa administrasyon.
Miingon si Torre nga dili angay magpaka-importante si Duterte kay natapos ang iyang panahon sa pagka-presidente.
Apan tubag sa kanhi presidential legal counsel ni Duterte nga si Atty Salvador Panelo nga kulang sa ‘sense of humor’ lang si Torre.
Una nang wala hatagi’g gimbug-aton sa NBI ang bahad ni Duterte kay alang kanila kabahin lang sa paghisgot sa kampanya sa eleksyon.
Si Torre ang kanhi regional director sa Police Regional Office 11 nga maoy nangulo paglusob sa balwarte ni Pastor Apollo Quiboloy kinsa solido nga alyado sa mga Duterte.
Gihimakak usab niini nga sinugo siya sa Malakanyang aron kasuhan si Duterte sa inciting sedition ug grave threats tungod sa pagbahad pamatyon ang senatorial candidates ni Pres Bongbong Marcos.
Hisayrang pipila ka semana gikan sa pagka-aresto kang Quiboloy, gitudlo nga hepe PNP-CIDG si Torre.
