CAGAYAN DE ORO CITY – Gimanduan ni Police Gen Oscar Albayalde ang police commanders nga dili mapakyas paghatag seguridad sa mga personahe sa media ilabina sa Bombo Radyo nga kusganong nagtuki sa ilegal nga kalihukan sa KAPA scam sa
ni PNP spokesperson Police Col Bernard Banac ang pasidaan human i-mando ni Albayalde ang dinalian nga pagsulbad sa pag-strafing sa grupo sa mga armado sa broadcast center sa Bombo Radyo Gensan sa General Santos City sa miaging gabii.
Miingon si Banac nga gipadali na ni Albayalde ang resulta sa imbestigasyon sa PNP Gensan aron matumbok ang mga tawo nga kasuhan sa maong hitabo.
Kumbinsido ang Bombo Radyo nga may kalabutan sa KAPA issue ang motibo sa maong pagpamusil ilabina nga gituki sa ilang Zonalibre program ang pagkabasura sa petition sa Korte Suprema dihang gimando ni Pres Rodrigo Duterte ang pagpasira sa mga operasyon niini.
Samtang gibantayan sa kapolisan ang lihok sa mga sakop ug opisyal sa KAPA Ministry International Inc. sa Valencia City, Bukidnon.
Kini human nakadawat ug impormasyon ang Valencia PNP nga naglaraw ang KAPA members nga subling mag-operate sa maong syudad.
Nagbahad si Valencia City Police Office commander Col. Surkie Serenias nga ilang sikopon ug kasuhan ang mga sakop sa KAPA nga magpadayon sa ilang ilegal nga kalihukan.
Gipamugos sa opisyal nga usa ka investment scam ang KAPA ug dili sila mosugot nga madugangan ang ihap sa mga mabiktima sa maong grupo.
