CAGAYAN DE ORO CITY-Nakabalik nga luwas ang tropa ni Sr/Insp Jessie James Lasdose sa ilang headquarters gikan naghimo’g imbestigasyon sa pag-ambush sa rebeldeng NPA sa mga pulis sa Brgy Tigkalaan,Talakag,Bukidnon.
Kini human gipabutha’g landmine sa mga rebelde ang convoy nila ni Lasdose hinungdan nga nahitabo ang engkuwentro sulod sa 15 ka minutos.
Gibutyag ni Supt Lemuel Gonda,tigpamaba sa PNP-10 nga pauli na gikan sila si Lasdose kuyog ang duha ka sakyanan ug usa ka motorsiklo dihang nahitabo ang engkuwentro.
Kabahin sa isog nakig-engkuwentro batok mga rebelde sila si SPO2 Roberto Sanoy, PO1 Enrique Baino;PO1 Ian Eric Ordidor;SPO1 Reynante Cam, PO2 Fermin Delfin;SPO1 Benjamin Bansing, PO3 Zeus J Achas, PO1 Gideon Galano, PO1 Mark Anthony Aca;PO1 Glen Rex Ravina ug SCAA Ricky Ped-ac.
