(Update) CAGAYAN DE ORO CITY – Namatay tungod sa pag-atake sa sakit sa kasingkasing ug dili tungod sa panagbangga sa duha ka pribadong sakyanan ang gitudlo sa kapolisan sa gidangatan sa kanhi huwes sa korte ning syudad sa miaging adlaw’ng Domingo.
Kini ang nakuha nga impormasyon sa traffic unit investigator sa COCPO nga si Police Executive Master Sgt. Marlon Mabalos nga nag-imbestigar sa kamatayon ni late retired Regional Trial Court Judge Gail Paderanga Jr,78 anyos nga nagpuyo sa Brgy Carmen ning syudad.
Sumala pa,daan nang mitukar ang sakit ni Paderanga samtang nagmaneho sa Kia Sorrento rason nasungag niini ang Toyota Revo nga gi-drayban usab ni Joshua Dequiña,46 anyos nga nanimuyo sa Brgy Mambuaya ning dakbayan.
Sa maong hitabo,samaron usab ang kapikas ni Dequiña,iyang sister-in law ug upat ka anak diin pipila sa ila nabalian sa mga tiil.
