CAGAYAN DE ORO CITY – Padayong giimbestigaran sa kapolisan pagkabanhigi sa kandidato pagka-bise mayor sa lungsod sa Malabang,Lanao del Sur.
Kini ilabina nga mi-resulta sa kamatayon sa duha ka kanhi pulis ang hitabo sa miaging semana.Namahayag si Police Regional Office Bangsamoro Autonomous Region o PRO-BAR spokesperson Lt Col Jopy Ventura nga may pipila ka anggulo nga gitutukan sa imbestigasyon apan nagmaigmat sila nga limitahan una ang paggawas aron dili mabalda ang operasyon.
Siya miingon nga dili pa nila masulti nga konektado sa politika ang hitabo hangtod nga dili makumpleto ang resulta sa imbestigasyon.
Dumduman nga maoy target sa pag-ambush si Malabang vice mayoralty candidate Ramil Bao apan wala kini maintimano hinungdang nadala sa ospital.
Apan sa maong pagpang-ambush sa armadong mga suspek, maoy na-grabehan nga nag-resulta sa kamatayon sila Hadji Asrab Sandab ug Solaiman Alibasa nga pulos nagpuyo sa maong lungsod.
Sakay sa kolor pula nga Toyota Innova ang mga biktima padulong sa Malabang apan igo pag-abot sa lungsod sa Marogong,gibanhigan sa mga suspek.
Gilayong misibat ang mga suspek sakay sa kolor gray nga Innova.
