CAGAYAN DE ORO CITY-Giakasuhan karon sa pamilya ang kapolisan nga tinuyo ang pagpatay sa Maranao-Muslim nga suspected pusher sa Sitio Carinugan, Brgy Balulang sa syudad.
Kini human unang gibutyag sa kapolisan nga migamit sa kalibre 38 nga armas si Abdul Wahab aron giingong pusilon ang mga pulis nga tuyo mohimo’g pagdakop kaniya.
Miingon ang anak lalaki ni Wahab nga si Hamid Usain nga nagpataas na sa kamot ang iyang amahan apan gipusil gihapon sa kapolisan hinungdan sa kamatayon niini kagahapon sa hapon.
Giangkon ni Usain nga kanhi nagbaligya ug gumagamit sa gidiling droga ang iyang amahan hinungdan nga gihandom na nila nga mahitabo kini.
Napugos ang kapolisan nga pusilon na lamang kaysa sila ang madisgrasya sa anti-illegal drug buy bust operation sa Brgy Balulang.
Kini ang katin-awan ni City Police Director Sr/Supt Nelson Aganon kon nganong napusilan-patay ang drug suspect.
Miingon si Aganon nga mapugos gyud ang ilang tropa pag-nuetralize sa mga drug suspect target kon mosukol nga magbutang peligro sa kinabuhis mga pulis.
Si Wahab nga gidala na sa Marawi City ang ikaduha nga drug pusher suspek nga napatay sa CDEU sa syudad sukad sa miaging semana.
