Gi-kondinar sa Philippine National Police (PNP) ang gitawag nilang “walay pulos ug talawan nga ambush” batok sa ilang tropa sa Shariff Aguak, Maguindanao del Sur kagabii, Marso 28, nga miresulta sa pagkamatay sa lima-ka pulis ug pagkasamad sa tulo pa.
Sumala sa reports, gi-atake sa wala mailhing armado nga mga suspek ang mga sakop sa 2nd Provincial Mobile Force Company samtang pauli gikan sa patrol ug police visibility operations.
Gipahibalo ni PNP Chief Jose Melencio Nartatez Jr nga gisugdan na ang mas-gipakusgan nga hot pursuit operations uban sa Armed Forces of the Philippines (AFP) aron madakpan ang mga responsable.
Gipasalig usab sa PNP nga buhaton nila ang tanang lakang aron makab-ot ang hustisya ug gipaabot ang ilang pakig-ambit sa kasakit sa pamilya sa mga biktima. (Written by Phillip Ariata)
