Gipakusgan pa sa kapulisan sa rehiyon ang ilang kampanya batok sa illegal mining, ilabi na mga hinter land barangays nga tago ang gihimong operasyon sa mga illegal miniers. Namahayag si PRO-10 Spokesperson PCapt. Joan Navarro nga adunay gi-propose nga “Minahang Bayan” sa Misamis Oriental apan wala pa kini makadawat sa opisyal nga permit gikan sa gobyerno. Hangtod nga wala pa’y legal nga pagtugot, magpadayon ang hugot nga monitoring ug operasyon sa kapulisan batok sa mga masapong ilegal nga minero. Gipahinungod usab nga ang pagpanalipod sa kinaiyahan responsibilidad sa tanan, ug nanawagan ang kapulisan sa publiko nga i-report dayon ang ilegal nga pagmina.
