CAGAYAN DE ORO CITY – Gisayangan ang kapolisan sa pagkamatay sa gikonsiderar nga bayani sa ilang lugar, human nabungkag niini ang grupong Maute-ISIS sa Marawi City.
Namatay samtang kabahin sa misilbi sa warrant of arrest si PNP Special Action Force member Police Staff Sgt Reagan Salbino batok gun for hire leader Abdullah Taurac sa Brgy Lilod sa maong lugar sa miaging semana.
Miingon si Lanao del Sur Provincial Police Office Director Col Madzghani Mukaraam nga tungod sa hitabo, mihimo sila’g ebalwasyon sa operasyon aron dili ika-matay sa ilang operatiba ang ilang ilusad nga operasyon.
Gawas kang Salbino, samaron usab si Police Staff Sgt Mohaimen Urandig kay misukol ang grupo sa napatay nga si Taurac sa maong operasyon.
Hisayran nga bag-o pa naminyo si Salbino, ug nabiyuda niini ang iyang kapikas nga tolo ka bulang nagsabak didto sa Benguet Province.
