Gitudlo ni Philippine National Police Chief PGen. Jose Melencio Nartatez si Police Brigadier General Rommel Sta. Ana Batangan isip acting director sa PNP Highway Patrol Group (HPG), epektibo ning adlawa.
Si Batangan nabutang sa posisyon human miluwat sa puwesto si Police Brigadier General Jessie Tamayao.
Sa wala pa makahimong OIC sa HPG, milingkod una isip Deputy Regional Director for Administration of Police Regional Office 3 si Batangan.
Mahinumduman nga mikanaug sa puwesto si Tamayao dihang mihungaw kopya sa “sexual harassment complaint” nga gipasaka kaniya batok sa usa ka babayeng pulis.
Ang kaso gisang-at sa National Police Commission.
Sa iyang press statement, iyang gipanghimakak ang alegasyon ug namugos nga siya inosente busa miluwat sa iyang posisyon aron dili mabutangan sa kolor ang ilusad nga imbestigasyon.
Gipamugos usab ni Tamayao nga ang iyang resignation wala magpasabot nga siya guilty sa alegasyon nga gibato kaniya.
