CAGAYAN DE ORO CITY-Kabahin sa matuki sa pagpatawag sa konseho sa PNP ang epekto sa kinitaan sa mga negosyante nga apektado sa gihimong anti-tambay operation sa syudad.
Gibutyag ni Kag George Goking, chairman sa komitiba sa trade and commerce sa konseho nga dili usab angay pasagdan ang kahimtang sa mga convenience store kay nagbayad sila sa buluhisan.
Kini ang hinungdan nga upat ka komitiba ang mag-uban sa paghisgot niini sa konseho sunod semana.
Samtang nangayo’g pasaylo ang kapolisan sa gilusad nila nga anti-tambay campaign nga gisapnay sa ordinansa batok mga tawo nga gainom sa pampublikong lugar ilabina sa dis oras sa gabii.
Gihimo ni Supt Mardi Hortillosa, tigpamaba sa Cagayan de Oro City Police Office o COCPO ang pagpangayo’g pasaylo tungod sa apektadong kinitaan sa mga convenience store nga sayon dagsaon sa mga customer.
Gi-welcome sa kapolisan ang pagpatawag kanila sa konseho aron malamdagan usab sila sa padayong pagpatuman mando ni Pres Rodrigo Duterte.
