CAGAYAN DE ORO CITY-Gitin-aw sa Cagayan de Oro City Police Office o COCPO nga wala sila’y nadawatan nga bahad nga adunay naglaraw nga mosabotahe sa ordinasyon ni Bishop Raul Dael diha sa St. Augustine Cathedral kagahapong adlawa.
Matud ni COCPO spoksperson Supt Mardi Hortillosa nga padayon silang nakig-koordinar sa Task Force Martial Law ug Criminal Investigation and Detection Group o CIDG sa motibo sa duha ka suspected Daesh-ISIS members nga nadakpan dinhi sa syudad.
Una nang nakuhaa’g duha ka granada ug kalibre 45 nga armas ang suspek nga sila si Eyadzhemar Abusalam, 26 anyos ug iyang kapuyo nga si Diane Catherine Palmitos nga pulos taga-General Santos City.
Dugtong pa ni Hortillosa nga magpabilin hangtud sa kasaulogan sa kapistahan ni Sr San Agustin ang pagpaubos nila sa alert level 3 sa tibook syudad.
Si Hortillosa miingon nga tumong niini nga mapaniguro ang seguridad sa syudad ilabina nga nagtoo sila nga may mga Maute members pa ang nakasulod sa dakbayan gawas sa magtiayon nga nadakpan.
