CAGAYAN DE ORO CITY – Gihimakak sa kapolisan ang taho nga mibalik ang operasyon sa KAPA Ministry sa probinsiya sa Bukidnon ilabina sa Valencia City.
Kini nunot a mikatag nga report sa social media diin gikalipay sa mga KAPA members ang giingong pagbalik ug operate sa ilang grupo.
Gibutyag ni Valencia City Police Office commander Police Lt Col. Surkie Serenias nga walay kamatuoran ang report ug posibleng tumo-tumo lamang kini sa mga despiradong miyembro sa KAPA ministry.
Siya miingon nga hangtud karon walay mando gikan sa korte nga nagtugot sa pagpabalik sa operasyon sa KAPA dinhi sa nasud.
Gipasalig ni Serenias nga iyang pabantayan ang buhatan sa KAPA sa Valencia City ug ipa-aresto ang mga miyembro niini nga basi sa report sekritong nagpadayon sa ilang ilegal nga operasyon.
