CAGAYAN DE ORO CITY (Update) – Gikompirmar ni Philippine National Police spokesman Police Brigadier General Bernard Banac nga anaa sa luwas nga kahimtang si Eastern Mindanao Command Brigadier General Joselito Salido human gi-ambush ang ilang convoy sa Tikalaan – Dominorog, Talakag highway, probinsya sa Bukidnon, kaganina sa buntag.
Namahayag si General Banac nga milusad na sa pursuit operation ang Police Regional Office 10 batok sa gitoohang grupo sa mga armadong kalalakihan nga namusil sa maong dapit.
Gitin-aw sab ni Banac nga wala sukad makadawat sa death threat si Solido.
Unang gikompirmar sa mga otoridad nga usa ka pulis ang patay samtang upat ang samaron sa nahitabong ambush.
