CAGAYAN DE ORO CITY-Mas gipahugtan sa Misamis Oriental Provincial Police Office ang seguridad batok dautang mga tawo samtang nagkaduol ang pagtamod sa adlaw sa mga santos ug kalag.
Miingon si Misamis Oriental PNP spokesperson Sr/Insp Arlyn Ranario nga gipakatag sa nagkadaiyang municipal police station ang direktiba gikan kang Regional Director C/Supt Timoteo ‘Tim’ Pacleb alang sa maong katuyuan.
Prayoridad sa kapolisan sa Misamis Oriental ang pagdeploy sa ilang mga sakop sa tanan menteryo nga sagad dagsa ang dumuduaw.
Mutabang sab ang police force sa pagmanned sa trapiko sa mga sudlunon nga menteryo.
Gawas niini, giisa sa MisOr PNP ang hightened alert status batok sa posibleng pagpangatake sa mga sakop sa New Peoples Army sa mga hinterland barangays ning lalawigan.
Dugtong niini, atol sa interview sa Bombo Radyo, gikompirmar Police Regional Office-10 nga bag-uhay lamang gipaubos ang rehiyon sa red alert status batok sa lawless elements.
