CAGAYAN DE ORO CITY – Natumbok na sa kapolisan ang tulo ka persons of interest o POIs nga hayan adunay kalabutan sa kamatayon sa babayeng sacristan pinaagi sa pagdunggab kaniya sulod sa ilang balay sa Dinogon,Brgy Sta. Ana,Tagoloan,Misamis Oriental.
Kini ang pasalig ni Misamis Oriental Police Provincial Office Director Col. Wilbur Salaguste kabahin sa singgit nga hustisya sa pamilya sa biktima nga si Lady Grace Galo kinsa tinun-an sa Business Administration sa Tagoloan Community College.
Miingon si Salaguste nga nagbaton pa sila sa dugang ebedensiya dihang gibalikan ang crime scene nga magamit sa pagsulbad sa kaso.
Si Lady Grace nagbaton sa mga dinunggaban nga rason sa hinanali niya nga kamatayon niadtong petsa 10 sa Enero.
Una nang miduaw si Cagayan de Oro Archdiocese Most Rev. Archbishop Jose Cabantan sa haya ni Galo sanglit aktibo kining lumilihok sa Sta Ana Parish diin siya kabahin sa mga nagsilbing sacristan.
Hisayrang may mga pagtoo nga gisulaya’g lugos ang biktima apan kay misukol,gidunggab sa wala pa matumbok nga mga responsible.
