Motanyag sa libreng sakay ang Philippine National Police alang sa tanang komyuters nga ma-stranded tungod sa ipatuman nga nationwide strike sa Samahang Manibela Mananakay at Nagkaisang Terminal ng Transportasyon o MANIBELA ug Solidarity of Drivers and Operators’ Organizations Nationwide o PISTON sugod ning adlawa hangtud adlaw’ng Martes.
Ang duha ka adlaw nga transport pahulay unang gi-anunsyo sa adlaw sa ika-52 ka tuig nga pagdumdom sa martial law sa Pilipinas.
Nanlimbasog sila Manibela Presidente Mar Valbuena ug Piston-National President Mody Floranda sa pagluwas sa ilang mga sakop ilabe na nga kapon 10,000 sa ilang drivers ang wala na namasada sa tibook nasud kay apektado sa gibansagang “anti-poor” modernization sa gobyerno ni Pres Bongbong Marcos.
Gikondinar sa duha ka grupo ang Land Transportation Franchising and Regulatory Board sa ilang pagsilbing ulipon sa Department of Transportation nga hangtud karon padayon pa gitun-an ang pagpatuman sa modernisasyon.
Gusto sa Piston nga ibalik ang five-year re-registration sa mga operators nga gihukasa’g prangkisa kay walay gipasilongan nga kooperatiba ug kadtong wala nakonsolidar.
Sa pikas bahin, mupatuman ang PNP sa maximum tolerance sa ilusad nga lihok protest sa duha ka grupo gikan sa 17 ka rehiyon sa nasud.(Bombo Anne Quileste).
