DAVAO CITY– Gitahod sa liderato sa Philippine National Police ang gilugwa nga mando sa Regional Trial Court Branch 15 nga nagmando kanila nga pagbiya sulod sa compound sa Kingdom of Jesus Christ nga iya ni Pastor Apollo Quiboloy sa Buhangin Street,Davao City.
Kini ang tubag ni Police Regional Office 11 regional director Brig Gen Nicolas Torre III sa kamanduan sa korte taliwala nga sila armado usab sa warrant of arrest aron signiton si Quiboloy.
Namahayag si Torre nga dili biyaan sa ilang puwersa ang bisinidad sa KOJC apan wala na sila’y himoon nga pagpangita kang Quiboloy sa sulod nga bahin sa compound.
Siya miingon nga maghulat pa usab sila sa dugang kamanduan gikan sa Camp Crame diin nagsumikad ang mando nga sudlon ang balwarte sa mga sakop sa pastor.
Unang nagtoo ang heneral nga anaa lang sulod sa compound rason nga gikalitan nila’g lusob sa miaging Sabado sa kadlawon.
Hisayrang sa paglusob sa PNP 11 sa compound,may duha sa mga sakop ni Quiboloy ang namatay samtang may mga pulis usab nga samaron kay nagka-komosyon sa miaging adlaw.
