CAGAYAN DE ORO CITY-Ubay-ubay ka motibo ang giimbestigaran sa kapulisan kalabot na sa pagpusil-patay sa usa ka amahan samtang anaa gawas sa gi-rentehang lawak sa Sto Nino, Agora, Brgy Lapasan sa syudad kagabii.
Matud ni Agora Police Station commander Sr/Insp Dennis Quiranda nga ila unang gisalikway ang motibo nga love triangle ang pagkapusili patay sa biktimang si Robin Estrada Jr, hingkod ang panuigon, bulag sa kapikas ug residente sa maong lugar ilabina nga wala pa sila’y gihuptan nga lig-ong ebidensiya.
Samtang wala magdahom ang land lady sa gipuy-an sa biktimang si Estrada kalabot na sa iyang gidangatan.
Sumala ni alyas Inday nga naila niya nga bootan nga tawo, walay bisyo si Estrada.
Gani, wala siya sukad makadungog sa istorya nga nakakita’g away ang biktima.
Wala usab kini misumbong kaniya nga adunay nadawatan nga bahad sa kinabuhi.
Apan hugot nagtoo si alyas Inday nga may kalabutan sa love triangle ang motibo sa pagpatay sa biktima.
Una nang gipasuta sa mga otoridad kon tinood ba nga mipusil sa biktima mao ang bana sa gika-relasyon niini nga babaye kinsa giingong ex-convict.
