CAGAYAN DE ORO CITY – Dili ma-establisar sa kapolisan ang pasangil nga dunay pagpangdagit sa duha ka menor de edad nga babaye diin unang nakulatahan ang lalaki nga gitudlo nga suspek niini diha sa Brgy Gusa ning syudad.
Kini bisan kon gi-alegar sa inahan ngadto sa 14 anyos nga babaye gidagit ang iyang anak sa suspek nga si Jeymark Macas nga residente ra usab sa maong brgy.
Namahayag si Agora Police Station deputy commander Police Lt Saul Abel Yacapin nga hinoon menor de edad ang biktima apan kulang ang basehan aron mosulod sa pasangil nga gidagit kini sa suspek.
Kini tungod kay namahayag si Macas nga manag-uyab sila sa biktima ug mismo midalikyat pa sa iyang trabahuan sa Tagoloan rason nga boluntaryo niya gihatod sa pagpauli sa sa balay.
Apan bayolente ang mga kabanay sa biktima hinungdang grabeng kulata ang nadawatan sa suspek kagahapon sa kadlawon.
