Gipatin-aw sa hepe sa Public Information Ofice sa Philippine National Police (PNP) nga si PCol. Allen Rae Co nga gihatagan si Senador Ronald ‘Bato’ dela Rosa og isa ka semana aron boluntaryo ug malinawong motahan ngadto sa mga otoridad.
Matud ni Co, gihatagan nila og isa ka semana ang senador aron malinawon kining motahan ug malikayan ang pagkamatay tungod sa delikadong engkwentro.
Gibutyag usab sa hepe nga nagpadayon gihapon ang paningkamot sa kapulisan sa pagsikop sa nagtago-tagong senador, diin aduna nay silay gilusad nga hotline nga mamahimong tawagan sa publiko alang sa paghatag impormasyon bahin sa gikahimutangan ni Senador dela Rosa.
Dugtong niini, gipahibalo usab sa hepe nga wala pa nakapadala si Bato o ang minority bloc og feelers ug overtures ngadto sa PNP ug DILG. (raniel mahunyag)
