Nagpasidaan ang hepe sa Public Information Office sa Philippine National Police (PNP) nga si Pcol. Allen Rae Co sa mga mangduaw sa pipila sa sementaryo alang sa umaabot nga kalag-kalag sa Nobyembre 1 ug 2 sa paglikay sa pipila ka mga butang.
Matud ni Co, gusto nilang pahinumdoman ang publiko sa paglikay sa pagdala sa mga gidiling butang sulod sa mga sementeryo, sama sa armas, hinagiban, ilimnong makahubog, ug illegal nga droga.
Giaghat usab sa hepe ang publiko sa pagtahud sa kasolemne sa maong okasyon pinaagi sa paglikay sa pagpanigarilyo, sugal, kusog ng sound system, ug mga butang nga daling masunog sulod sa sementeryo.
Dugang ni Co, kung mahimo likayan usa sa publiko ang pagpost sa social media nga walay nahibilin sa ilang panimalay aron dili maaghat ang mga kawatan sa pagsulod ug pagpangawat sa pipila ka kabalayan.
Dugtong niini, gipahinumdoman usab ni Co ang mga magdala og sakyanan nga susihon pag-ayo kung anaa ba sa maayong kondisyon ang ilang mga sakyanan aron malikayan ang kakulian sa kadalanan.
