CAGAYAN DE ORO CITY – Naka-defensive mode ang station level samtang may mihimo usab sa pag-operate sa mga lugar nga nasiplatan ang presensiya sa CPP-NPA dinhi sa rehiyon.
Kini sa pagsiguro nga dili makahimo’g pagpanghasi ang rebeldeng NPA nga nagsaulog sa ilang laing sumad sa katukuran isip armadong puwersa CPP.
Gibutyag ni Police Regional Office 10 spokesperson Capt Francisco Sabud nga walay pahulay ang ilang tropa sa pagbantay sa mga bukiran aron walay higayon maka-pangharass ang mga rebelde sa soft targets dinhi sa rehiyon.
Samtang target sa 58th IB,Philippine Army nga mapuhag ang CPP-NPA combatants sa pipila ka lungsod sa Misamis Oriental.
Kini ang panganti ni 58th IB commander Lt. Col. Ricky Canatoy diin daghan na sa mga rebelde ug mga masa ang nangkanaug aron mobalik na sa kagamhanan.
Gihimo ni Canatoy ang pahayag dungan usab sa ilang paghatag seguridad sa probinsya samtang isaulog sa NPA rebels ang anibersaryo nila ning adlawa.
