(Update) CAGAYAN DE ORO CITY – Wala pa gani napasaka ang giingong kasong pagpanglugos-patay sa 5-anyos batok sa person of interest nga nahuptan sa kapolisan apan laing kinabuhi ang nabugto sa syudad sa Valencia,Bukidnon.
Kini human isaysay ni Valencia City Police Station commander Lt Col Brian Panganiban nga makakurat ang gihimong pagpusil-patay sa kaugalingon sa person of interest o POI nga si Marlon Pantonial,30 anyos nga taga-Purok 2,Sitio Paluan,Brgy Banlag sa maong syudad.
Gibutyag ni Panganiban nga boluntaryo ang pagtahan sa POI ug giingong giangkon ang gidangatan sa biktima nga si Bevian apan nakurat kini kay kalit daw nangilog sa armas sa iyang imbestigador sulod sa investigation room diin nagpusil sa lig-on rason sa kamatayon niini.
Siya miingon nga tinguha nila mahatagan sa hustisya ang kamatayon sa 5- anyos nga biktima kinsa nakit-ang hubo ug gitabunan sa mga dahon sa tubo apan nasubo usab sila kay dili na mataral sa hukmanan ang nagpatoong suspek.
Una niini,miani’g grabeng kasuko sa katawhan sa Valencia City ang gidangatan sa biktimang bata rason gilayong nagmando si City Mayor Azucena Huervas nga ipasulbad sa dali nga panahon ang hitabo.
Dumduman nga igo lang gibilin sa ginikanan ang bata sa iyaan niini diin bisi usab sa panginabuhi sa dihang adunay misignit kaniya gikan sa pagdula-dula sa oval sa Valencia City ug patay nang nakit-an sa katubhan sa miaging semana.
Hisayrang giangkon ni Huervas nga nadisturbo sila sa maong hitabo hinungdang gitahas niini sa ilang kapolisan nga abtik pakigbatukan ang bisan unsa nga kreminalidad sa Valencia City.
