CAGAYAN DE ORO CITY-Dili hikog apan accidental firing kon nganong nabuthan sa kalibre 9mm pistol ang ulo sa police officer hinungdan sa kamatayon niini sulod sa ilang barracks sa Maharalika Headquarters sa Brgy Carmen ning syudad.
Kini ang gihatag nga katin-awan ni City Mobile Force Company o CMFC commander Supt Francis Pasno sa misteryosong kamatayon ni PO3 Joseph Marimon sa miaging gabii.
Miingon si Pasno nga nahitabo kini kang Marimon dihang disgrasyang nahulog ang armas samtang nag-ilis aron unta padulong mo-duty.
Nasayran nga naigo ang ulo sa biktima diin nagresulta sa hinanali niining kamatayon.
