(Update) CAGAYAN DE ORO CITY – Nanganti ang kapolisan nga madakpan na nila sulod ning semanaha ang tulo ka batan-ong lalaki nga gitoohang mipatay sa miembro sa LGBTQ plus nga trabahante’g gobierno nga kadungan pagsulod sa lodging house diha sa Capistrano Street,Brgy 7 ning syudad.
Kini human gibutyag ni Divisoria Police Station commander Major Peter Tajor nga naila na nila ang maong person of interests nga kakuyog sa biktima sulod sa kuwarto sa Beatrice Inn sa miaging semana.
Miingon si Tajor nga kompirmadong dunay foul play sa kamatayon sa biktima sanglit gihiktan pa ang mga tiil niini gamit ang tuwalya sa gisak-an nila nga lodging house.
Nawala usab ang duha ka celphone ug kaugalingong sakyanan sa biktima paghuman sa kremin.
Hisayrang nasuta nga taga- Manolo Fortich,Bukidnon ang biktima ug may gamay’ng negosyo ang ilang pamilya dinhi sa syudad.
