CAGAYAN DE ORO CITY, Philippines – Salapi – gikan sa ilang binulan nga suhulan ang gigamit sa kapulisan sa ilang relief efforts sa Bicol Region ug uban pang lugar nga apektado sa Severe Tropical Storm Kristine.
Katin-awa kini sa Philippine National Police, human milusad sila sa ilang kaugalingong mga relief efforst sa lima ka rehiyon nga apektado sa tolo ka sagunson nga bagyo sa Pilipinas, nga miigo sugod Oktobre 1, ning tuiga.
Namahayag si PNP Spokesperson Brigadier General Jean Fajardo nga gawas sa disaster response sa posibleng epekto sa Bagyong Marce, ug pagtabang sa rehabilitation efforts sa nag-unang ahensya sa gobyerno, sila usab dunay kaugalingon sa pag-ayuda sa mga survivor sa bagyo.
Gidayeg ni PNP Chief Rommel Marbil ang tanan niyang sakop sa organisasyon nga mitubag sa ilang panawagan nga tabangan ang mga biktima sa kalamidad, gamit ang ilang kaugalingong salapi ug pagsakripisyo.
