CAGAYAN DE ORO CITY-Gipalig-on sa kapolisan ang paghatag nila’g seguridad sa mga elected brgy official nga nakabase sa kapi’g 400 ka brgy sa Misamis Oriental.
Kini ilabina nga mohimo’g federation election ang Assocation of Brgy Captains o ABC sa lalawigan sa petsa 30 sa Hulyo ning tuiga.
Miingon si Misamis Oriental PNP provincial director Sr/Supt Rolando Destura nga gimanduan sila ni PNP regional director C/Supt Timoteo Pacleb nga dili magpasagad sa seguridad aron dili na masubli nga dunay brgy kapitan nga pusilon-patay sa lalawigan.
Nasayran nga nakatanyag si Gov Bambi Emano sa 200-mi pesos nga reward money alang sa mga tawo makatudlo sa mga suspek mipatay kang Danao Brgy Kapitan Alfredo Zapanta sa lungsod sa Jasaan sa miaging semana.
