CAGAYAN DE ORO CITY-Anggulo sa bangi sa gugma ang gisunod sa kapolisan sa paglabay’g granada sa motorcycle in tandem suspects diin tulo ka sibilyan ang naangol sa Purok 3, Barangay Barakanas, Tubod, Lanao del Norte.
Giila ni Lanao del Norte provincial director Sr Supt Leopoldo Cabanag ang mga biktima nga sila si Rolly Jade Pomicpic, 17; Silvestre Pardillo, 22 ug Michael Haroy, 15 anyos nga pulos residente sa lugar.
Gibutyag ni Cabanag nga lahi ang target sa mga suspek nga tawo apan natungnan nga ang mga biktima maoy nabuthan sa granada.
Gilayong nadala sa ospital ang mga biktima tungod sa naangkon nila nga mga samad gikan sa sharpnels sa granada.
Natumbok na usab ang mga suspek apan gihulat na lamang nila ang ‘good timing’ alang sa pagsikop niini.
