CAGAYAN DE ORO CITY– Makatilaw sa istrikto nga disiplina ang pipila ka pulis nga anaa sa kalambigitan sa ilegal nga kalihukan diin sukwahi sa ilang gipanumpaan.
Kini ang panganti ni PNP officer-in-charge Lt Gen Archie Gamboa sa kapolisan sa rehiyon sa subli pag-atubang niini sa Camp Alagar ning syudad.
Gihimo ni Gamboa ang bahad dungan sa pagpatuman sa suspension order batok sa iyang PMA classmate nga si PRO-10 regional director Brig Gen Rafael Santiago Jr epektibo ning semanaha.
Miingon si Gamboa nga dili niya gusto nga dunay pabor-pabor hinungdan gipatuman niini ang mando bisan sakit alang kaniya makit-an si Santiago nga nagsilbi sa iyang suspension order.
