CAGAYAN DE ORO CITY-Namiligro nga mapapha sa katungdanan si PNP regional director C/Supt Timoteo Pacleb.Kini human gibutyag ni Iligan City information officer Joe Pantoja nga gikasuko ni Pres Rodrigo Duterte ang pagtugot ni Pacleb nga masagulan sa politika ang kalihukan sa kapolisan.
Miingon si Pantoja nga nagka-estorya na si City Mayor Celso Regencia ug Duterte kuyog si PNP chief Dir Gen Oscar Albayalde kabahin sa kontrobersyal nga paghuli sa police director sa Iligan City.
Dugang ni Pantoja nga gikalipay ni Duterte ang dakong suporta ni Regencia hinungdan dili angay masagulan sa politika.
Una nang giakusar ni Pantoja nga nanginlabot si Cong Frederick Siao sa pagpapha kang Sr Supt Manuel Sukarno Alvarez diin napuli si Sr Supt Rey Solidario.
Samtang gihimakak ni Siao nga siya ang utok pagpalagpot sa puwesto kang Alvarez sa Iligan City Police Office.
Miingon si Siao nga ensakto lamang ang gihimo ni Albayalde nga angay unta sundon sa kampo ni Regencia.
Dugang ni Siao nga wala kini sukad nanginlabot sa kalihukan sa PNP ilabina nga mando ni Duterte nga angay ilikay sa politika ang law enforcment agencies nga naglakip sa kasundaluhan sa nasud.
