CAGAYAN DE ORO CITY-Gihagit ni PNP regional director C/Supt Agripino Javier si acting city police director Sr Supt Robert Roy Bahian nga magbaton pa sa kaabtik batok pagsumpo sa kreminalidad sa dakbayan.
Gihimo ni Bahian ang hagit dungan sa pagdayeg sa pag-negatibo sa 832 ka aktibong pulis nga
gipaubos sa drug test sa syudad sa miaging semana.
Si Javier miingon nga dili angay maulahi ang kapolisan tungod kay ang dakbayan maoy imahen sa katibuk-ang Northern Mindanao.
Una nang gipaubos sa Cagayan de Oro City Police Office o COCPO ang ilang 832 ka pulis nga naglakip kang Bahian sa drug test isip kabahin sa internal cleansing.
Hisayrang sa miaging liderato sa PNP-10,may daghang pulis na ang gilangkat sa mga puwesto tungod sa pagka-positibo sa paggamit sa shabu.
