CAGAYAN DE ORO CITY- Gihagit ni C/Insp Ritchie Yandog ang liderato sa 4th ID,Philippine Army nga mohimo’g imbestigasyon sa ilang kapolisan sa Manolo Fortich Police Station diha sa Bukidnon.
Kini kon nagduda ang 4th ID nga iyang mga pulis ang nagkulata sa duha ka sundalo nga hubog nga nagpakita sa dili maayong taras samtang sakay sa bus sa miaging semana.
Miingon si Yandog nga abli ang ilang buhatan sa imbestigasyon ug gani susihon usab sa Internal Affairs Service o IAS sa PNP-10 ang hitabo.
Una niini,gusto ni 4th ID,Philippine Army spokesperson Capt Joe Patrick Martinez nga ma-disiplina sila si PO2 Mar Torregosa ug PO1 Laurence Macalos sa pagtoo nga maoy nagkulata kanila ni PFC Brian Anco ug PFC Armand Gentiles.
