CAGAYAN DE ORO CITY-Negatibo sa mga ilhanan nga may mahitabo nga pag-atake sa armadong pundok ang lungsod sa Kolambugan,Lanao del Norte.
Kini bisan nga nakadawat sa intelligence report ang Bombo Radyo nga taas ang bahad sa maong lungsod nga hasi-on sa armadong pundok nga hayan divertionary tactic sa naipit nga mga teroristang ISIS-Maute sa Marawi City,Lanao del Sur.
Gibutyag ni Lanao del Norte Provincial Police Office spokesperson C/Insp Cheryl Balderama nga naghimo usab sila sa pagsusi sa maong intelligence report pagsiguro nga dili malutsan ang kahugot sa ilang seguridad.
Sa miaging adlaw,naggawas uasb ang report nga nakit-an ang presensiya sa kanhi kumander sa MNLF nga si ex-Marawi City Mayor Omar Solitario Ali nga samaron kuyog ang iyang 200 ka armadong sakop samtang nagtago sa lungsod sa Tangcal,Lanao del Norte.
