CAGAYAN DE ORO CITY-Gihimakak sa kapolisan ang giingong pagpakita sa manananggal sa pipila ka residente sa Brgy Poblacion,Sumilao,Bukidnon.
Kini bisan sa gisulti sa Bombo Radyo ni Brian Lalanan nga gigukod siya kuyog sa iyang higala sa manananggal samtang padulong mang-disco sa miaging semana.
Gikataw-an lamang ni Police Sr/Insp Romar Cahukom, hepe sa Sumilao Police Station ang report mahitungod sa manananggal.
Nagtoo si Cahukom nga posibleng bunga lamang sa kahubog sa mga batan-on ang ilang kahadlok nga nakita.
Hinoon bisan niini, mohimo sa lalom nga pag-imbestigar ang maong hepe aron masuta ang tinood sa hitabo.
