CAGAYAN DE ORO CITY-Gikalipay sa PNP-10 ang pabiling pagka malinawon sa tibuok rehiyon alayon sa pagtamod sa adlaw sa mga santos ug kalag.
Gibutyag ni PNP-10 spokesperson Supt Surkie Serenias nga walay dagkong hitabo rehiyon.Mihangyo si Serenias sa katawhan nga kanunay mag maigmat ug magbinantayon.
Dugtong niini,naka-full alert status ang PNP kaabag ang friend forces aron masiguro nga dili makasulod ang mga tawo nga nagtinguha isabotahe ang seguridad sa rehiyon.
Samtang bisan si Regional Peace and Order Council chairman City Mayor Oscar Moreno ang maka-kompirmar sa ka malinawon sa pagtamod sa katawhan sa adlaw sa mga santos sa rehiyon.
Kini human mihimo usab sa koordinasyon si Moreno sa mga opisyal sa kapolisan ug militar nga naghimo’g pagbantay sa katawhan nga midagsa sa mga menteryo sa rehiyon.
Miingon si Moreno nga dako’g tabang ang kooperasyon sa katawhan aron makab-ot sa hingpit ang kalinaw sa pagdumdom sa mga santos ug kalag ning semanaha.
Sa pikas bahin,gihagit ni Cagayan de Oro Arcbishop Antonio Ledesma ang mga Kristiyano nga maghiusa diha sa mga pag-ampo alang sa mga mahal sa kinabuhi nga mipanaw na.
Kini alayon sa pagdudom sa adlaw sa mga kalag sa Kristohanong katilingban ning adlawa.
Miingon si Ledesma nga mas maila ang pagka-kristiyano sa katawhan kon himoon usab niini ang mga gimbuhaton nga makatabang sa mga igsoon mga santos ug kadtong nagkinahanglan pa sa mga pag-ampo ning kalibutana.
