CAGAYAN DE ORO CITY-Gihuptan na sa kapolisan ang mga impormasyon nga gikasulbad sa kamatayon sa graduating criminology student sa COC-PhinMa nga nakit-an sa gisunog sa Bato,Sitio Camacawan,Brgy Indahag sa syudad.
Kini subay sa gisulti ni Cogon Police Station commander Police Capt Rustico Gala-Gala Jr ngadto sa Cagayan de Oro City Police Office o COCPO.
Gibutyag ni COCPO spokesperson Police Lt Col. Mardi Hortillosa nga hinoon gilimitahan una ni Gala-Gala ang paghatag sa dugang impormasyon apan hawid na niini ang kalambuan sa hitabo nga ikasulbad sa kamatayon ni Marjun Mejos nga taga-Brgy Bonbon sa syudad.
Una nang gihagit usab sa COCPO nga mobisita aron mohatag katin-awan si Rico Anthony Sison kinsa gitratar nga person of interest sa hitabo.
