CAGAYAN DE ORO CITY-Nahataga’g hustisya ang gidangatan nga kamatayon sa upat ka miembro sa pamilyang Cerillo nga biktima sa sunog sa St. John sa Brgy Puntod sa syudad ning tuiga.
Kini human napatay usab sa kapolisan kay giingong misukol ang suspek nga misunog sa pinuy-anan sa maong pamilya.
Miingon si Balingasag Police Station commander Sr/Insp Roberto Cambi nga ang kamatayon sa suspek nga si Michael Dahino ang dili pa gani igo sa upat ka kinabuhi nga nakalas gumikan sa pagsunog sa ilang pinuy-anan niini.
Si Dahino ang wala na masilbi sa warrant of arrest sa kapolisan sa Balingasag dihang misukol hinungdan sa kamatayon niini.
Nasayran kabahin sa namatay sa sunog sila si Mark Anthony, 12; Michelle Ann, 13;Mark Kenneth, 22 ang 24 anyos nga si Connie Nandong sa Claveria.
