CAGAYAN DE ORO CITY -Hatagan sa igong seguridad ang law graduates gikan sa nagkadaiyang bahin sa Northern Mindanao nga mopaubos sa 3-day bar exams sulod sa Xavier University campus sa Corrales-Hayes Streets ning syudad.
Kini human isulti ni Lt Col Evan Viñas, tigpamaba sa Cagayan de Oro City Police Office (COCPO) nga nakaandam na ang ipatuman nga seguridad sa bar takers ug facilitators sugod sa adlaw’ng Domingo.
Siya miingon nga sama sa miaging bar exams, dunay pagsira sa pipila ka dalan nga duol sa XU aron dili makabalda sa pokus sa bar examinees.
Dumduman nga ilado ang XU sa ilang taas nga passing percentage sa bar exams sa dugay nang katuigan.
